दिनेश डिसीले निर्देशन गरिरहेको चलचित्र "मायाज बार" मा करिष्मा र निशा बार गर्ल बनेका छन् । मंगलबार करिष्माको इन्ट्रोडक्सन बार डान्सको सुटिङ पुतलीसडक स्थित स्टार मलमा गरियो । सेट लगाएर बनाईएको आकर्षक बारमा करिष्मालाई निशाले पनि साथ दिएकी थिईन् । मायामा लगाईने बारलाई मुख्य थिम बनाएर निर्माण शुरू गरिएको सो चलचित्र पूर्ण मनोरञ्जनात्मक रहने निर्देशक डिसीको भनाई छ । यि नायिकाहरूलाई गम्भिर बिष्टले म्युजिकको तालमा नचाउने जिम्मा लिएका छन् ।
सुनिल मानन्धरले निर्माण गरेको चलचित्र 'मायाज बार' मा राजेश हमाल खलपात्रको रूपमा प्रस्तुत हुँदैछन् । यसैगरी यसै चलचित्रबाट गजित बिष्टले नायकको रूपमा डेब्यू पनि गर्दैछन् । उनी बक्सिङ खेलाडीको भुमिकामा पर्दामा देखिनेछन् । सुरेश अधिकारीको संगीत रहेको सो चलचित्रमा तीन वटा बार गीत प्रस्तुत गरिनेछ भने एउटा नायक नायिकाको लभ सङ राखिनेछ । करिब ३५ % सुटिङ सकिएको सो चलचित्रको कथा पटकथा तथा संवाद निर्देशक डिसीले नै लेखेका हुन् ।
